LYRIC

The song Nani Maa is from the movie Moksha. It is sung by Dominique Cerejo and composed by Rajesh Roshan. The lyrics are written by Javed Akhtar. Venus Records released the soundtrack album for the movie.

hasin pyari bholi shahd ke jaisi mithi
hai naram jaise rui nani maa
kahaniya sunati paheliya bujhati
thapak thapak sulati nani maa
tumhi ho meri lori, tumhi meri kahani
tumhara pyar bachpan ki, ek hasi nishani
tumhi ne di thi gudiya, jo thi meri saheli
tumhara hi tha aagan, main kal thi jisme kheli

tumhi ne tha bataya hai rang kitne sare
tumhi ne tha bataya hai phul kitne pyare
tumhi ne sikhaya bado se kaise bolu
tumhi ne tha sikhaya dupatta kaise odhu
wo pyar se bulati, wo pyar se sikhati
wo kuch na kuch batati nani maa
tumhi ho meri lori tumhi meri kahani
tumhara pyar bachpan ki ek hasi nishani
tumhi ne di thi gudiya, jo thi meri saheli
tumhara hi tha aagan, main kal thi jisme kheli

teri nani maa ko bhi sab yaad hai
kal tu nanhi si bacchi thi
sharir chulbuli man mohni
frock pahne baalo me ribbon
hansti khilkhilati khelti muskurati
kabhi mujhse zid karti kabhi mujhe manati
din bhar shor shararat aur sham ko
wo tera meri godi me sar rakhna
aur ek pal me so jana
yaad aata hai, aaj bhi bahut yaad aata hai

tumhi ne mere dil me mohabbat hai gholi
tumhi se to suni thi jo bolti hu boli
tumhi ne to kaha tha jo bhulta nahi hai
humesha yaad rakhna ki zindagi hasi hai
hasin pyari bholi shahd ke jaisi mithi
hai naram jaise rui nani maa
kahaniya sunati paheliya bujhati
thapak thapak sulati nani maa
tumhi ho meri lori, tumhi meri kahani
tumhara pyar bachpan ki ek hasi nishani
tumhi ne di thi gudiya, jo thi meri saheli
tumhara hi tha aagan, main kal thi jisme kheli


Added by

Unnatee Awaken

SHARE

ADVERTISEMENT

VIDEO